إزاي تلعب إهبد
فتحت العلبة والشلة مستنية؟ دي كل حاجة في دقيقتين. اقرا وانت بتفنّط.
فنّط ووزّع كل الكروت
واحد يفنّط كويس ويوزّع الـ 52 كارت على الكل بالتساوي. كل واحد يمسك كومته مقلوبة، وممنوع تبص في كروتك خالص.
✓ الطريقة الصح
✗ الطريقة الغلط
اقعدوا في دايرة
اللي على شمال الموزّع يبدأ، واللعب ماشي مع عقارب الساعة. سيبوا مكان فاضي في النص للكوم.
في دورك: اقلب وارمي
اسحب أول كارت من فوق كومتك، اقلبه في النص قدام الكل، ونفّذ اللي مكتوب عليه. فيه نوعين كروت بس: فئات وأكشن.
كارت فئة؟ سباق
انت واللي على شمالك تتسابقوا: مين يقول اسم حاجة من الفئة دي الأول. اللي يتأخر ياخد الكوم.
خضار/فاكهة
حيوان
فيلم
بلد
مشهور
ماركة
اسم ولد
اسم بنت
مثال
قلبت «حيوان». قلت «زرافة» قبل ما صاحبك يفتح بقه؟ هو ياخد كل الكروت اللي في النص.
الاسم اللي اتقال مرة في فئة ماينفعش يتقال تاني فيها طول اللعبة. يعني لو حد قال «قطة» في حيوان، خلاص اتحرقت.
كارت أكشن؟ نفّذ بسرعة
كل كارت أكشن بيقولك تعمل حاجة. اللي يتأخر أو يغلط ياخد الكوم.
ولا حاجة
12 كروتمفيش حاجة بتحصل. دورك يخلص. الكوم تفضل زي ما هي.
اركن
4 كروتخصمك اللي على الشمال يفوّت دوره. اللي بعده يلعب.
كمين
2 كروتتدّي أول كارت عندك للخصم. الكوم تفضل زي ما هي.
واسطة
2 كروتمن حقك تبص بسرعة على أول كارت في كومتك. دورك يخلص.
إهبد
2 كروتكل اللاعبين فورًا يأخدوا أول كارت من كومتهم ويرموه في كوم اللعب.
القرد
2 كروتكله يخبط على صدره زي القرد، وبعدين كل واحد يهبد إيده على الترابيزة فوق إيد اللي سبقه. الإيد اللي فوق خالص هي آخر واحدة، وصاحبها ياخد الكوم.
اضرب
كارت واحداللاعبين يتسابقوا مين يضرب التاني ضربة خفيفة الأول. اللي يتضرب يخسر.
خازوق
كارت واحدتأخد كارت من فوق كومة كل لاعب تاني وتحطه في كومتك.
لبس
كارت واحدخصمك اللي على الشمال لازم يأخد كارت من فوق كومة كل لاعب تاني.
الحرامي
كارت واحدأول مرة: تختار أي لاعب وتبدّلوا كومكم. بعد كده: تبدّل مع صاحب أكبر كومة.
خسرت؟ خد الكوم
أي حد يخسر سباق ياخد كل الكروت اللي في النص ويحطها تحت كومته. يعني إيدك بتتقل وانت بتبعد عن الفوز.
مين يكسب؟
أول واحد كومته تخلص خالص يكسب. باقي الشلة تفنّط تاني وتطلب الثأر.
كده انت جاهز
عايز كل التفاصيل وكل الكروت في صفحة واحدة؟ القوانين كاملة مستنياك.